काही लोक असे जबरदस्त असतात ना कि बस!
तीन महिन्या आधी आम्ही
शिफ्ट केले आणि आल्या आल्या तीन दिवसात सिलिंडर संपला, डिस्त्रीबुटर बदलला
नव्हता त्यामुळे पत्ता बदल करायला आधीच्या ठिकाणी जायला लागलं, तिथून धावपळ
करून डॉक्युमेंट घेतलं, ते डिस्ट्रीबुटर अगदी बोगस, थंड.
आत्ताच्या डिस्ट्री कडे सकाळी 9 ला बोलवलं तर 9ला हजर राहिलो कागद करताना
विचारलं सिलिंडर कधी मिळेल, तर म्हणे आज संध्याकाळ पर्यन्त सिस्टीम तुमचा
अड्डरेस अपडेट करेल मग रात्री तुम्ही फोनवरून बुकिंग करा, दुसऱ्या दिवशी
येईल... दुसरा दिवस नेमका रविवार, सुट्टीचा, आता पंचाईत, आमच्याकडे दुसरं
सिलिंडर नाही, दोन तीन दिवस कसे काढणार, त्यांना अडचण सांगितली... पण ते
ऑफीसातले कर्मचारी हतबल दिसत होते, आधीच्या अनुभवारून तर मी गृहीत धरलं
होते की हेही असेच असणार, मग मी बाहेर पडलो, रिक्षा मागवली, पाऊस तुफान
होता त्या दिवशी, मी रिक्षेत बसत असताना तिथल्या डिलिव्हरी वाल्याने हाक
मारून बोलवले, ते लोक म्हणाले की आम्ही करतो व्यवस्था, दुसऱ्याचा सिलिंडर
तुम्हाला ऍडजस्ट करून देतो, त्याला सोमवारी देऊ त्याच्याकडे दोन आहेत,
तुम्ही फक्त आज संध्याकाळी 7 नन्तर बुकिंग नक्की करा, म्हणजे रिसीट जनरेट
होईल... आम्ही अडचणीत येणार नाही... मला तर गदगदून आले एकदम...
आनंदात घरी पोचलो, बायकोला काही सांगितलं नाही, माझ्या मागेच दहाव्या
मिनिटाला सिलिंडर हजर झाले, (आपलं भयताड सुपरम्यान आहे की काय असं तिला
वाटलं असावं 😊)
तोच डिलिव्हरी पर्सन होता, म्हणाला हा एरिया माझ्याकडेच आहे, काळजी करू
नका, आज हा एकच राहिला होता सिलिंडर, पण तो अगदी जुना जीर्ण झालेला आहे,
काही वास बिस आला, लिकेज ची अडचण झाली तर मला या पर्सनल नंबर वर कॉल करा,
कधीही अगदी रात्री केला तरी चालेल,
एक रुपयासुद्धा त्याने बक्षीस मागितली नाही, मीही त्याच्या चांगुलपणाचा अपमान केला नाही.
परवा ते सिलिंडर सम्पले, रात्री 11 वाजता बुक केलं, दुसऱ्याच सकाळी अगदी
नवं कोरे करकरीत सिलिंडर घेऊन तो मनुष्य आला आणि म्हणाला की मागे तुम्हाला
जुनेपुराने दिलं, म्हणून या वेळेस निवडून नवं कोरं घेऊन आलो....
फील्स कैच्या कै 😊😊
कोणत्याही टिप्पण्या नाहीत:
टिप्पणी पोस्ट करा